مابين الذكريات اللي تجر الحرف لاوراقي
ومابين الوصل والهجران وظلوعن سكنتيها
امر بساحة الاشواق تاره وانثر اشواقي
وامر الذكريات اللي على صدري نحرتيها
وساعة هاضت افكاري عرفت إن الغلا باقي
ولكن البلا نفس(ن) تحبك وش عطيتيها
قسم بالله من زود المحبه سقت لك ساقي
ياليت إن ساق رجلك لجل عشق الامس سقتيها
وياليتك مانحرتي الوصل بعد الوصل لفراقي
وياليت إن سكة الفرقا على شاني هجرتيها
وانا لامن بغيت انساك لاح الشوق بآفاقي
واعَوّد للدروب اللي بدت بك وانتهيتيها
احاول ابتعد مثلك ويابى العشق واخلاقي
واقول الوقت توه ذكرياتي مانسيتيها
ولو قلبك مثل قلبي قسم بالله لتشتاقي
مثل مااشتاق والفرقا على شاني عصيتيها
