ماعليش الطيب راح

مرثية الشاعر : سلمان قاسم الحكمي، في صهره المتوفي الشيخ/ علي حسن رحمه الله  رحمه الله وأسكنه الفردوس وألهم أهله وذويه الصبر والسلوان.

(ماعليش الطيب راح)

آااه منها قسوة الدنيا
وآاه(ن)من عداها..
والله اني قد عرفت
اطباعها ماهي جديده..

لكن انها من عشاها
تختزن وجبة غداها..
ذي جديده حطها التاريخ
في صفحه وحيده..

ليلة الأحد ثلاثه
خمسه والسنه صداها..
في الف واربع ميه
وسته وثلاثين،الشديده..

آاه من ليله مصايبها
بدت من مبتداها..
ومنتهاها موت راعي
الطيب والقصه مديده..

أدري ان الموت حق
ونفس خالقها هداها..
تقبل الأقدار والدنيا
مشاكلها عديده..

لكن الحسرات والعبرات
صبري ماحداها..
موت اعز الناس عندي
خل حيلي عالحديده..

من عرف علي حسن..
دنياه قفل منتداها..
وانتقل في ملتقى
اصحاب المنارات الفريده.

من عرف علي حسن،
يديه ما يجهل نداها..
بالمكارم كم أيادي
من يدينه مستفيده..

من عرف علي حسن
شاف المقادي وبقداها..
يقتدي ويصير قدوه
والخطا يرغي بقيده..

من عرف علي حسن ،
ثنتين مايترك حداها..
منه يبني العلم بأصول المراجل والعقيده..

من عرف علي حسن
وادرك صفاته واهتداها..
عرف ليش اني حزنت
وكان لي نظره بعيده..

معرفة مثله تخلي النفس
تصفى من صداها..
وأصبح الغالي فقيد
وصارت اوصافه فقيده..

مانقول اذا الصلاه
لمحبها مدت نداها..
ويرقب القرآن في
الختمة بعد ختمه يعيده..

مانقول اذا الصله
للأقربا مدت يداها..
وقام حسن الخلق بين
الناس يسأل عن عضيده..

ماعليش الطيب راح
وبقي للدنيا رداها..
وابتدى ينثر دموعه
والوفا يكتب قصيده..

مثل حادي العيس لغبوني حدا يسمع حداها..
من ورا الضلعان تلحق به
تناهيدن أكيده..

والشعر يطري سجايا
جعل هوجاسي فداها..
والنفس بالصبر لله
تحمده فيما يريده..

مات وجه الخير واعماله
عجزت ابلغ مداها..
ياالله انك ترحمه وارحم سجاياه الحميده..